चैत १९, काठमाडौं । काठमाडौं महानगरपालिकाका ३२ वडामध्ये ३० वटा वडामा एकीकृत विद्युतीय सेवा प्रणाली अन्तर्गतको ई-सिफारिस सुरु भएको छ । महानगरको वडा नम्बर १३ र ३२ मा यो सेवा सुरू हुन बाँकी छ।
महानगरका सूचना प्रविधि विभाग प्रमुख नमराज ढकालले महानगरका ती दुई वडा बाहेक सबै वडाका सेवाग्राहीले विद्युतीय सेवा प्रणाली सुविधा उपलब्ध गराएको बताए ।
उनले भने, ‘अबको आवश्यकता भनेको लाभग्राहीलाई प्रणालीमा अभ्यस्त गराउनु हो। यो प्रणालीमा इ-सिफारिस, दर्ता चलानी लगायत उपलब्ध गराएका छौं।’
महानगरपालिकाको लोगो भएको केएमसी मोबाइल एप डाउनलोड गरेर उक्त सेवा लिन सकिने प्रमुख ढकालले बताए ।
उनका अनुसार उक्त मोबाइल एप्लिकेशनबाट प्राप्त विवरणका आधारमा विवरण रुजु गर्ने, राजस्व तथा शुल्क भुक्तानी गर्ने र सबै प्रक्रिया पूरा भएपछि डिजिटल सिग्नेचरसहितको कागजात सेवाग्राहीले पाउनेछन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4