२०८० वैशाख १७ गते २२:०५ 
काठमाडौं । एर्लिङ हल्याण्डको ५०औं गोलसँगै म्यानचेष्टर सिटी प्रिमियर लिगको शीर्ष स्थानमा उक्लिएको छ । आइतबार राति भएको म्यानचेष्टर सिटीले फुलहमलाई २–१ गोल अन्तरले पराजित गरेको हो ।
फुलहमको घरेलु मैदानमा भएको खेलमा सिटीले तेस्रो मिनेटमै हल्याण्डको पेनाल्टी गोलबाट अग्रता लिएको थियो । यो सिजनमा मात्र सिटी आएका उनले सबै प्रतियोगितामा गरेर क्लबका लागि ५०औं गोल गरेका हुन् ।
यससँगै उनले टम बेएरिङको कीर्तिमान भेट्टाए । उनले सन् १९३१ मा एकै सिजन ५० गोल गरेका थिए । नर्भेजियन स्टाइकर हल्याण्डले प्रिमियर लिगमा एकै सिजन ३४ गोलको एन्डी कोलको १९९३÷९४ को कीर्तिमान पनि भेट्टाएका छन् ।
१५औं मिनेटमा अल्भेस मोराइसले बराबरी गोल फर्काए । तर यो धेरै टिक्न सकेन । ३६ औं मिनेटमा अल्भारेजले गोल गर्दै टिमलाई २–१ को अग्रता दिलाए ।
सिटीले त्यही अग्रता जोगायो र महत्वपूर्ण ३ अंक हात पारेको छ । यो जितसँगै शीर्ष स्थानमा उक्लिएको सिटीको ३२ खेलबाट ७६ अंक भएको छ भने एक खेल बढी खेलेको आर्सनलको ७५ अंक मात्र छ ।
प्रतिक्रिया 4