२६ वैशाख, काठमाडौं । मोर्डन इण्डियन स्कुलले पाँचवटा खेल समावेश गरी एमआईएस अन्तर विद्यालय खेलकुद आयोजना गर्ने भएको छ ।
प्रतियोगिता जेठ ९ देखि १२ गतेसम्म विद्यालय परिसर चोभारमा हुनेछ ।
चारदिने प्रतियोगितामा बास्केटबल, फुटबल, टेवलटेनिस, ब्याडमिन्टन र बुद्धिचाल खेलमा कम्तिमा ८ विद्यालयबीच प्रतिस्पर्धा हुनेछ ।
विद्यालयका जनसम्पर्क अधिकृत नरेश रावलका अनुसार सहभागिताका लागि उपत्यकाका विद्यालयहरुलाई आमन्त्रण पठाइएको छ ।
पहिला दर्ता गर्नेलाई प्राथमिकता दिइने र ८ वटासम्म विद्यालयका टिमलाई समावेश गरिने उनले बताए ।
प्रतियोगितामा करिव ५ सय विद्यार्थीको सहभागिता रहने अनुमान आयोजक मोर्डन इण्डियन स्कुलले गरेको छ ।
विद्यालयबीच अन्तरक्रिया र विद्यार्थीलाई प्रतिस्पर्धाको एक माध्यम प्रदान गर्ने उदेश्यले प्रतियोगिता आयोजना गरिएको मोर्डन इण्डियन स्कुलका प्राचार्य राजु पिटरले बताए ।
मोर्डन इण्डियन स्कुलले करिव डेढ दशकदेखि अन्तरविद्यालय खेलकुद प्रतियोगिता आयोजना गर्दै आएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4