२०८० असार ३१ गते ८:१५ 
३१ असार, काठमाडौं । वेल्सका कप्तान आरोन राम्से १५ वर्षपछि कार्डिफ सिटी फर्किएका छन् ।
३२ वर्षीय राम्सेले इंग्लिस दोस्रो श्रेणी च्याम्पियनसिप क्लब कार्डिफसँग दुई वर्षको सम्झौता गरेका छन् ।
आर्सनलका पूर्व मिडफिल्डर समेत रहेका राम्सेले आपसी सहमतिमा फ्रेन्च क्लब नाइस छाडेपछि आश्चर्यजनक रुपमा कार्डिफ पुगेका हुन् ।
‘अन्तत यहाँ फर्कुन अविश्वसनीय अनुभव भएको छ । मैले सधैँ सोचिरहेको हुन्थे कि एक दिन म फर्कनेछु । र त्यसका लागि यो सही समय हो,’ राम्सेले भने ।
९ वर्षको उमेरदेखि नै कार्डिफको युथ एकेडेमीमा रहेका राम्सेले २००६ देखि २००८ सम्म कार्डिफको सिनियर टिममा खेलेका थिए । त्यसपछि पनि बर्सनलमा अनुबन्ध भए ।
आर्सनलमा रहँदा नटिङहम फरेस्ट र कराडिफमा लोनमा खेलेका उनी २०१९ मा इटालियन क्लब युभेन्ट्स पुगेका थिए भने २०२२ मा नाइस पुगे ।
२००८ मा वेल्सका लागि डेब्यु गरेका उनले राष्ट्रिय टिमा ८२ क्याप जित्दै २० गोल गरेका छन् ।
प्रतिक्रिया 4