२०८० साउन ७ गते १९:२५ 
७ साउन, काठमाडौं । फ्रेञ्च पौडीबाज लियोन मर्चन्डले ४०० मिटर इन्डिभ्युजल मिड्लेमा नयाँ विश्व कीर्तिमान बनाएका छन् ।
अमेरिकी पौडीबाज माइकल फेल्प्सले सन् २००८ को बेइजिङ ओलम्पिकमा राखेको रेकर्ड तोड्दै उनले निर्धारित दूरी ४ मिनेट २.५० सेकेण्डमा पूरा गरेका हुन् ।
बेइजिङ ओलम्पिकमा फेल्प्सले ४ मिनेट ३.८४ सेकेण्डमा यो दूरी पूरा गरेका थिए ।
जापानमा चलिरहेको वर्ल्ड च्याम्पियनिसपमा ४०० मिटर इन्डिभ्युजल मिड्लेमा स्वर्ण पदक जित्ने क्रममा मर्चन्ड फेल्प्सको समयभन्दा १.३४ सेकेण्डले अघि भएका हुन् ।
यो स्पर्धामा अमेरिकाका कार्सोन फोस्टरले रजत र आयोजक जापानका दाइया सेतोले काश्य पदक जितेका छन् ।
प्रतिक्रिया 4