कांग्रेसको स्पष्टीकरणः सरकार ढाल्ने छलफल भएको छैन

२८ साउन, काठमाडौं । नेपाली कांग्रेसले जारी संसदीय समितिको बैठकमा सरकार परिवर्तनको विषय नआएको स्पष्ट पारेको छ ।

शुक्रबार र आइतबार बसेको दुई दिनको बैठकमा धेरै विषय उठेको र महत्वपूर्ण विषयहरुलाई सोमबार पारित गरिने प्रमुख सचेतक रमेश लेखकले बताए ।

‘सरकार बदल्ने, ढाल्ने, अर्को बनाउने कुरा भएको छैन’, आइतबारको बैठकपछि लेखकले भने ।

हालसम्म ५० जना सांसदले धारणा राखेका छन् । बाँकीले भोलि बिहान ११ बजे बस्ने बैठकमा बोल्ने छन् ।