काठमाडौं । प्रकाश सपुत र केकी अधिकारीको शीर्ष भूमिका रहेको फिल्म ‘परदेशी २’ को शुक्रबार प्रिमियर गरिएको छ । अभिनेता तथा गायक सपुतको गृहजिल्ला बागलुङस्थित बीएसआर मुभिजमा फिल्म प्रिमियर गरिएको हो ।
निर्देशक नारायण रायमाझी, कलाकारहरु प्रकाश र केकीसहित सञ्चारकर्मीको उपस्थितिमा फिल्मको प्रथम प्रदर्शनी गरियो ।
प्रिमियरअघि ‘परदेशी २’ को टिमलाई स्थानीय लोकतान्त्रिक चोकबाट बागलुङ नगरप्रमुख वसन्तकुमार श्रेष्ठ, नगर उपप्रमुख राजु खड्का लगायतका जनप्रतिनिधिले पुष्पगुच्छाले स्वागत गरे । प्रिमियरमा सहभागी हुन काठमाडौंबाट फिल्मको कास्ट एण्ड क्रिउसहित सञ्चारकर्मीको टोली बागलुङ पुगेको छ ।
प्रिमियरमा सहभागी मेयर श्रेष्ठले बागलुङमा फिल्मको प्रिमियर आयोजना हुनुले नगरको पर्यटन प्रवर्द्धनमा योगदान पुग्ने विश्वास व्यक्त गरे । उनले बागलुङ नगरलाई फिल्म छायांकनको गन्तव्यस्थल बनाउन नगरपालिकाले काम गर्ने बताए ।
वैदेशिक रोजगारीको आयाम प्रस्तुत गर्ने यो फिल्म असोज २६ गते रिलिज हुँदैछ । फिल्म गायक समेत रहेका सपुतको डेब्यु पनि भएकाले दर्शकमाझ पर्खाइ छ ।
तस्वीर सौजन्य : गोपीकृष्ण चापागाईं
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4