२०८० असोज २० गते १६:१८ 
२० असोज, हान्झाउ । चीनको हान्झाउमा जारी एसियाली खेलकुदको क्रिकेटमा भारतले स्वर्ण पदक जितेको छ ।
वर्षाका कारण फाइनल खेल पूरा नभएपछि वरीयतामा अघि रहेको आधारमा भारतलाई स्वर्ण पदक प्रदान गरिएको छ ।
वरीयताका आधारमा पछि परेको अफगानिस्तानले भने रजत पदकमा चित्त बुझाएको छ ।
पहिला ब्याटिङ गरेको अफगानिस्तानले १८.२ ओभरमा ५ विकेट गुमाउँदै ११२ रन बनाएको स्थितिमा पानी परेपछि खेल रोकिएको थियो ।
तर पछि पानी नरोकिएपछि वरीयताका आधारमा भारतलाई विजेता घोषित गरिएको हो ।
पाकिस्तानलाई हराउँदै बंगलादेशले जित्यो कांस्य
वर्षाले प्रभावित अर्कोखेलमा पाकिस्तानलाई ६ विकेटले हराउँदै बंगलादेशले भने कास्य पदक जितेको छ ।
डीएलएस मेथडका आधारमा ५ ओभरमा ६५ रन बनाउनु पर्ने लक्ष्य पाएको बंगलादेशले अन्तिम बलमा लक्ष्य भेट्टायो र कास्य जित्यो ।
पाकिस्तानले ५ ओभरमा १ विकेट गुमाएर ४८ रन बनाएको अवस्थामा पानी परेपछि खेल रोकिएको थियो ।
झरी रोकिएपछि पुन खेल सुरु हुँदा बंगलादेशलाई डीएलएस मेथडका आधारमा ५ ओभरमा ६५ रनको लक्ष्य दिइएको थियो ।
प्रतिक्रिया 4