![](https://www.onlinekhabar.com/wp-content/uploads/2022/08/PM-Office-new.jpg)
२० कात्तिक, काठमाडौ । सरकारले एकैसाथ ५० भन्दा बढी सहसचिवहरुको अन्तरमन्त्रालय र अन्तरनिकायगत सरुवा गर्ने तयारी गरेको छ । मन्त्रिपरिषदमा कम्तिमा ५५ जना सहसचिवहरुको सरुवा गर्न संघीय मामिला तथा सामान्य प्रशासन मन्त्रालयले प्रस्ताव लगेको छ ।
प्रधानमन्त्री कार्यालय स्रोतकाअनुसार प्रस्तावमाथि मन्त्रिपरिषदले निर्णय गरेपछि मन्त्रीहरुको राय सुझाव लिएर मुख्य सचिव डा. बैकुण्ठ अर्यालले सूची प्रमाणीकरण गर्नेछन् । त्यसैले सो सूचीमा हेरफेर र थपघटको सम्भावना छ ।
स्रोतका अनुसार सहसचिवहरुको सरुवा हुने तय भइसकेको छ, प्रमाणीकरणको प्रक्रिया पुरा नभई सरुवा भएकाहरुको सूची बाहिर ल्याइनेछ । लामो सयमदेखि एकै ठाउँमा कार्यरत रहेका, प्रदेशमा लामोे समयम बिताएका र प्रदेश पठाउनुपर्ने ठहर भएकाहरु सुरुवाको सूचीमा छन् ।
अझ विभिन्न मन्त्रीले राखेको चाहनाबमोजिम अन्तिम सूची प्रमाणीकरण भएर आउने स्रोतले बतायो । को–को ससहचिवको कुन मन्त्रालय र निकायमा सरुवा हुँदैछन् भन्ने खुलेको छैन । गत १९ भदौमा पनि एकसाथ ५८ सहसचिवको सरुवा भएको थियो ।
प्रतिक्रिया 4