मुक्तिनाथ कृषि कम्पनीको आईपीओ सूचीकृत, न्यूनतम ‘ओपनिङ रेञ्ज’ ७६ रुपैयाँ ८१ पैसा

मुक्तिनाथ कृषि कम्पनीको सेयर दोस्रो बजारमा सूचीकृत भएको छ । कम्पनीको ७० लाख कित्ता साधारण सेयर बजारमा सूचीकृत भएको हो । कम्पनीको सेयरको भोलि बिहीबारदेखि कारोबार सुरु हुने छ ।

मुक्तिनाथ क्यापिटलले कम्पनीको आरटीएस सेवा प्रदान गर्दछ । नेप्सेले कम्पनीलाई ‘एमकेसीएल’ सांकेतिक कोड प्रदान गरेको छ । भोलि बजारमा कम्पनीको कारोबारका लागि ७६ रुपैयाँ ८१ पैसादेखि २३० रुपैयाँ ४३ पैसासम्मको रेञ्ज प्रदान गरिएको छ ।

योबीचको जुनसुकै मूल्यमा पहिलो कारोबार भइसकेपछि सो मूल्यबाट १० प्रतिशतसम्म घट्न वा बढ्न सक्नेछ ।