रुपान्तरण अभियान सफल भएको माओवादी केन्द्रको दाबी

१६ पुस, काठमाडौं । माओवादी केन्द्रले ‘जनतासँग माओवादी : विशेष रुपान्तरण अभियान’ सफल भएको दाबी गरेको छ ।

मंगलबार पार्टी कार्यालय, पेरिसडाँडामा आयोजित पत्रकार सम्मेलनमा उपाध्यक्ष अग्नि सापकोटाले कार्यकर्तामा जागृती आएको र जनतामा आश पलाएको बताए ।

चुनावको बेलामा मात्र होइन, माओवादी अरु बेलामा पनि आए भनेर जनतामा आशाको झिल्का पैदा भएको उनले बताए । ‘बनेको ठाउँका सक्रिय थिएनन्, अहिले सक्रिय भएका छन् । नबनेको ठाउँमा बनेका छन्’ उनले भने, पार्टीबाट हुने पलायन पनि अन्त्य भएको छ ।’

अभियानका क्रममा पुराना कार्यकर्ता सक्रिय भएको र नयाँ प्रवेश पनि भएको उनले बताए ।