बाफ्टामा ‘ओपेनहाइमर’को वर्चस्व, सर्वश्रेष्ठ फिल्मसहित ७ विधामा विजयी

काठमाडौं । नेपाली समयानुसार सोमबार बिहान वितरण गरिएको बाफ्टा अवार्डमा ‘ओपेनहाइमर’को वर्चस्व देखिएको छ । सर्वश्रेष्ठ फिल्म, निर्देशक र अभिनेतासहित यो फिल्मले ७ विधामा उपाधि जित्यो ।

दोस्रो स्थानमा रहेको फिल्म ‘पुअर थिंग्स’ले पाँच विधामा अवार्ड जित्यो ।

बाफ्टा अध्यक्ष सारा पुटले लन्डनको रोयल फेस्टिभल हलमा स्टारले भरिएको दर्शकदीर्घालाई स्वागत गर्दै समारोह उद्घाटन गरेकी थिइन् । यो समारोहमा राजकुमार विलियम र उनकी पत्नी क्याथरिनसमेत पुगेका थिए । आफ्ना पिता तथा राजा चार्ल्सलाई गत साता क्यान्सर पुष्टि भएपछि बढ्दो चासोका कारण विलियमले समारोहमा भाषण गरेनन् ।

बाफ्टाको जितले ‘ओपेनहाइमर’को ओस्कार विजयको सम्भावनालाई थप बलियो बनाएको छ । मार्चमा हुने ओस्कारका लागि क्रिस्टोफर नोलन निर्देशित यो फिल्म सर्वाधिक १३ विधामा मनोनित छ ।

यस्तो छ बाफ्टा विजेता सूची

सर्वश्रेष्ठ फिल्म – ओपेनहाइमर

निर्देशक – क्रिस्टोफर नोलन (ओपेनहाइमर)

अभिनेत्री – एम्मा स्टोन (पुअर थिंग्स)

अभिनेता – किलियन मर्फी (ओपेनहाइमर)

सहायक अभिनेत्री – द–भाइन जोय रान्डोल्फ (द होल्डओभर्स)

सहायक अभिनेता – रोबर्ट ड्वेन जुनियर (ओपेनहाइमर)

मौलिक पटकथा – एनाटोमी अफ अ फल

एडप्टेड स्क्रिनप्ले – अमेरिकन फिक्सन

गैरअंग्रेजी फिल्म – द जोन अफ इन्ट्रेस्ट

डकुमेन्ट्री – ट्वेन्टी डेज इन मौरिपोल

सर्वश्रेष्ठ ब्रिटिस फिल्म – द जोन अफ इन्ट्रेस्ट

छायांकन – ओपेनहाइमर

सम्पादन – ओपेनहाइमर

कस्ट्युम डिजाइन – पुअर थिंग्स

मेकअप एण्ड हेयर – पुअर थिंग्स

ओर्जिनल स्कोर – ओपेनहाइमर

ध्वनि – द जोन अफ इन्ट्रेस्ट

भिजुअल इफेक्ट – द पुअर थिंग्स