२०८० चैत ८ गते १७:३७ 
८ चैत, काठमाडौं। कोशी प्रदेशलाई ३–०को सहज सेटमा पराजित गर्दै नेपाल पुलिस क्लबको पुरुष टोली आठौं आरबीबी एनभिए भलिबल च्याम्पियनसिपको सेमिफाइनल प्रवेश गरेको छ ।
पुलिसले कोशीलाई २५–१३, २५– १६ र २५–१३ को सेटमा पराजित गरेको हो । आज पुरुष तर्फको चौथो क्वाटरफाइनलमा त्रिभुवन आर्मी क्लब र सुदुरपश्चिम क्लब खेल्नेछन् ।
शुक्रबार महिला तर्फको तेस्रो स्थानका लागि एपिएफ क्लब र न्युडाइमण्ड क्लब भिड्नेछन् । त्यस्तै पुरुषतर्फको सेमिफाइनल खेल हुनेछ ।
दुवै तर्फका विजेता टोलीले ५ लाख, उपविजेताले २ र तेस्रो हुने टिमले १ लाख २५ हजार प्राप्त गर्नेछन् ।
प्रतिक्रिया 4