२०८१ जेठ ३१ गते १३:१५ 
३१ जेठ, काठमाडौं । एएफसी यु-१७ एसियन कप छनोटमा नेपाल कठिन समूहमा परेको छ ।
एसियाली फुटबल महासंघले बिहीबार सार्वजनिक गरेको ड्र अनुसार नेपाल एसियाको पावर हाउस जापान र कतारसँगै एकै समूहमा छ ।
नेपाल रहेको समूह एफमा जापान, कतार र मंगोलियास्ँग प्रतिस्पर्धा गर्नेछ । यस समूह चरणका सबै खेलहरु कतारमा हुनेछ । छनोटका खेलहरु आगामी अक्टोबर १९ देखि २७ सम्म हुनेछ ।
छनोटमा एसियाका ४३ टिमलाई १० समूहमा विभाजन गरिएको छ । तीन समूहमा ५-५ तथा ७ समूहमा ४-४ टिम समावेश छन् ।
प्रतिक्रिया 4