दोस्रो मैत्रीपूर्ण भलिबलमा पनि नेपाल रुससँग पराजित

७ साउन, काठमाडौं । नेपाल र रुसबीचको दोस्रो मैत्रीपूर्ण महिला भलिबलमा पनि नेपाल पराजित भएको छ ।

त्रिपुरेश्वरस्थित दशरथ रंगशाला कभर्ड हलमा सोमबार भएको खेलमा नेपाल २५–१४, २५–२३ र २५–२२ को सोझो सेटमा पराजित भएको हो ।

आइतबार भएको पहिलो खेलमा पनि नेपाल ३–० ले नै पराजित भएको थियो ।

नेपालस्थित रुसी दूतावासको सहयोगमा सम्पन्न भएको यो खेल नेपाली टोलीको लागि भने काभा नेसन्स लिगको तयारीको रुपमा रहेको थियो ।

काभा नेसन्स लिग साउन १७ गतेबाट काठमाडौंमा हुनेछ ।

तस्वीरहरू : विकास श्रेष्ठ/अनलाइनखबर