यातायात सर्भरमा पुनः समस्या, सोमबारको ट्रायल सर्‍यो मंगलबार

१३ साउन, काठमाडौं । यातायात व्यवस्था विभागको सर्भरमा पटक–पटक समस्या आउँदा सेवाग्राही समस्यामा पर्ने गरेका छन् ।

विभागले सोमबारका लागि निर्धारण गरेको ट्रायल सर्भरमा आएको समस्याका कारण नहुने भएको हो । यातायात व्यवस्था कार्यालय सवारी चालक अनुमतिपत्र शाखाले आइतबार सूचना प्रकाशन गर्दै सोमबारका लागि तोकिएको ट्रायल परीक्षा मंगलबार सरेको जनाएको छ ।

‘१३ साउन आइतबार वर्ग थप गरी राजस्व बुझाएका सबै सेवाग्राहीको ट्रायल परीक्षा सोमबार हुन्छ भनिएकोमा यातायात व्यवस्था विभागको केन्द्रीय सर्भरमा आएको प्राविधिक समस्याका कारण १५ साउन (मंगलबार) का दिन हुनेछ,’ विभागको सूचनामा छ ।