२०८१ साउन १७ गते १९:५७ 
१७ साउन, काठमाडौं । भारतले काभा वुमन्स भलिबल नेसन्स लिगमा विजयी सुरुवात गरेको छ ।
त्रिपुरेश्वरस्थित राखेपको कभर्डहलमा बिहीबार भएको खेलमा भारतले इरानलाई ३–१ को सेटमा पराजित गरेको हो ।
भारतले इरानलाई २५–२०, २५–१८, १९–२५ र २५–११ ले पराजित गर्यो ।
लिगको दोस्रो दिन शुक्रबार श्रीलंका र इरान तथा भारत र माल्दिभ्सबीच खेल हुनेछ ।
नेपालले बिहीबार भएको उद्घाटन खेलमा श्रीलंकालाई ३–० को सोझो सेटमा पराजित गर्दै विजयी सुरुवात गरेको छ । नेपालले दोस्रो खेलमा पर्सि, शनिबार भारतसँग प्रतिस्पर्धा गर्दैछ ।
प्रतिक्रिया 4