२०८१ साउन २२ गते १९:४४ 
२२ साउन, काठमाडौं । काभा वुमन्स नेसन्स कपको सेमिफाइनलमा मंगलबार इरानलाई सोझो सेटमा हराउँदै फाइनल पुग्यो ।
घरेलु मैदानमा उपाधि उचाल्ने लक्ष्य राखेको नेपालले जित्नैपर्ने खेलमा इरानलाई ३-० को सेटमा पाखा लगायो ।
नेपालले खेल जित्दा खेलाडीसँगै नेपाली भलिबल समर्थकहरु पनि उत्साहित भएका छन् । यसअघि आइतबार इरानसँग ३-२ को सेटमा पराजित भएकाले पनि नेपाललाई मंगलबारको खेलमा दबाब थियो ।
फाइनलमा नेपालको भिडन्त भारतसँग हुनेछ । भारतलाई लिग चरणमा हराइसकेकाले नेपालले फाइनलमा पनि हराउने आशा राखेको छ ।
हेर्नुहोस् तस्वीरहरू :
प्रतिक्रिया 4