प्रतिकूल मौसमले आन्तरिक हवाई उडान प्रभावित

१६ भदौ, काठमाडौं । प्रतिकूल मौसमका कारण आइतबार आन्तरिक उडानहरू प्रभावित बनेका छन् ।

वायुसेवा कम्पनीहरूका अनुसार आइतबार काठमाडौं–तुम्लिङटार क्षेत्रका उडानहरू रद्द भएका छन् ।

पोखरा–नेपालगञ्ज, पोखरा–भरतपुर र पोखरा–भैरहवा रुटमा समेत उडान रद्द भएको बुद्ध एयरले जनाएको छ ।

पोखराबाट काठमाडौंमा दुई उडान मात्र सम्भव भएको छ । काठमाडौंबाट पोखरामा भने एउटा पनि उडान भएको छैन ।

अन्तर्राष्ट्रिय तर्फ भने कुनै प्रभाव नपरेको त्रिभुवन विमानस्थल कार्यालयले जनाएको छ ।