२०८१ असोज ६ गते १४:५७ 
६ असोज, काठमाडौं । नेपालले आईसीसी विश्वकप लिग–२ मा आज घरेलु टोली क्यानडासँग खेल्दैछ । खेल नेपाली समय अनुसार आज राती ८ : ४५ मा किंग सिटीमा सुरु हुनेछ ।
बुधबार नेपाल क्यानडासँग १०३ रनले पराजित भएको थियो । २५४ रनको लक्ष्य पछ्याएको नेपाल ४०.१ ओभरमा १५० रनमा अल आउट भएको थियो । नेपालले ओडीआईमा क्यानडासँग हारेको यो एकमात्रै खेल हो ।
नेपालले गत फेब्रुअरीमा त्रिवि क्रिकेट मैदानमा क्यानडासँग तीन खेलको ओडीआई सिरिजमा क्लिनस्वीप गरेको थियो । फेब्रुअरी ८ मा नेपाल र क्यानडाबीच ओडीआईमा पहिलो पटक टीयुमा प्रतिस्पर्धा भएको थियो ।
उक्त खेलमा २२५ रनको लक्ष्य पछ्याएको क्यानडा ४७.५ ओभरमा २१७ रनमा अल आउट भएको थियो । क्यानडा ३७.२ ओभरमा १८९–४ को बलियो अवस्थाबाट हार्दा रोहित पौडेलले ४ विकेट लिएका थिए ।
फेब्रुअरी १० मा नेपालले दोस्रो ओडीआईमा २८६ रनको लक्ष्य ४५.१ ओभरमा ६ विकेट गुमाउँदै पूरा गरेको थियो । उक्त खेलमा नेपालबाट अनिल शाह ५०, रोहित पोडेल ८७ र देव खनालले ७६ रन बनाएका थिए ।
फेब्रुअरी १२ मा नेपालले २३३ रनको लक्ष्य ४४.३ ओभरमा १ विकेट गुमाउँदै पूरा गरेको थियो । अनिल शाहले ११२ र भीम सार्कीले १०१ रनको शतकीय इनिङ खेलेका थिए । समग्रमा नेपाल र क्यानडाबीच ओडीआईमा चार खेल भएकोछ । नेपाल ३ खेलमा जित र १ खेलमा पराजित भएकोछ ।
प्रतिक्रिया 4