२०८१ असोज ७ गते १६:११ 
७ असोज, काठमाडौं । सुजन डंगोलको ह्याट्रिकमा नेपालले भुटानमा भइरहेको साफ यू-१७ च्याम्पियनसिपमा सोमबार श्रीलंकालाई ४-० ले पराजित गरेको छ ।
समूह बी को पहिलो खेलमा पाकिस्तानसँग १-० ले पराजित भएको नेपालले दोस्रो खेलमा भने श्रीलंकालाई जितेको हो । यो जितपछि नेपालले सेमिफाइनल पुग्ने सम्भावना कायमै राखेको छ ।
थिम्पुस्थित चाङलिमिथाङ स्टेडियममा भएको खेलमा सुजनले चौथो, १३ औं र ३० औं मिनेटमा गोल गर्दै पहिलो हाफमा नै ह्याट्रिक पूरा गरे ।
विज्ञान खड्काले ८३ औं मिनेटमा नेपालका लागि अर्को गोल थपे ।
समूह बी मा रहेको नेपाल पहिलो खेलमा पाकिस्तानसँग १-० ले पराजित भएको थियो ।
श्रीलंकाको भने यो लगातार दोस्रो हार हो । श्रीलंका पहिलो खेलमा घरेलु टोली भुटानसँग ५-१ ले पराजित भएको थियो ।
नेपालले समूहको अन्तिम खेल बुधबार भुटानसँग खेल्नेछ ।
प्रतिक्रिया 4