वर्षाका कारण अखिल क्रान्तिकारीको आजको बन्दसत्र स्थगित

१२ असोज, काठमाडौं। अविरल वर्षाका कारण सम्मेलन स्थल वरपर जलमग्न भएको भन्‍दै अखिल क्रान्तिकारीले तेस्रो दिनको बन्दसत्र स्थगित गरेको छ ।

अखिल क्रान्तिका केन्द्रीय उपाध्यक्ष नरेश रेग्मीले सामाजिक सञ्जालमार्फत २३औं राष्ट्रिय सम्मेलनको बन्दसत्रको आज असोज १२ गतेको सम्पूर्ण कार्यक्रम स्थगित गरिएको जानकारी गराएका छन् ।

‘अविरल वर्षाका कारण जनजीवन प्रभावित भएको र अखिल (क्रान्तिकारी) को सम्मेलनस्थल वरपर जलमग्न भएको हुँदा अखिल(क्रान्तिकारी)को २३औं राष्ट्रिय सम्मेलनको बन्दसत्रको आज असोज १२ गतेको सम्पूर्ण कार्यक्रम स्थगित गरिएको छ।’ केन्द्रीय उपाध्यक्ष रेग्मीले सामाजिक सञ्जालमा भनेका छन् ।

उनका अनुसार बन्दसत्र भोलि असोज १३ गते ११ बजे बाट सुरु हुनेछ ।