२०८१ असोज १५ गते २१:१९ 
१५ असोज, काठमाडौं – नेपालले त्रिकोणात्मक टी-२० आई सिरिजमा घरेलु टोली क्यानडाविरुद्ध टस हारेर पहिला ब्याटिङ गर्दैछ । किंग सिटीमा भएको टसमा घरेलु टोली क्यानडाका कप्तान निकोलस किर्तोनले जितेर नेपाललाई ब्याटिङको निम्तो दिएका हुन् ।
नेपालले आजको खेलमा टोलीमा दुई परिवर्तन गरेको छ । देव खनाल र रिजन ढकाल बेन्चमा छन् । सोमपाल कामी र ललित राजवंशी आज नेपालको प्लेइङ ११ मा छन् । नेपाल पहिलो खेलमा १४ रनले क्यानडासँग पराजित भएको थियो । नेपालले दोस्रो खेलमा ओमानलाई ३७ रनले हराएको थियो ।
नेपालको प्लेइङ ११ :
आसिफ शेख, कुशल भुर्तेल, अनिल साह, रोहित पौडेल, कुशल मल्ल, दीपेन्द्रसिंह ऐरी, गुलशन झा, करण केसी, ललित राजवंशी, सन्दीप लामिछाने र सोमपाल कामी ।
प्रतिक्रिया 4