२०८१ असोज १७ गते ९:२७ 
१७ असोज, काठमाडौं । युरोपियन च्याम्पियन च्याम्पियन्स लिगको लिग चरणमा प्रिमियर लिग क्लब एस्टन भिल्लाले जर्मन महाराथी बायर्न म्युनिखमाथि शानदार जित हात पारेको छ ।
गएराती भएको खेलमा भिल्लाले बायर्नलाई १-० ले पराजित गरेको हो । घरेलु मैदान भिल्ला पार्कमा भएको खेलमा एस्टन भिल्लाका लागि जोन डुरानले ७९औं मिनेटमा निर्णायक गोल गरे ।
च्याम्पियन्स लिगमा भिल्लाको यो लगातार दोस्रो जित हो । पहिलो खेलमा भिल्लाले योङ व्याजलाई पराजित गरेको थियो । लगातार दोस्रो जितपछि ६ अंक जोडेको भिल्ला छैटौं स्थानमा छ ।
पहिलो हार व्यहोरेको बायर्न भने २ खेलबाट ३ अंकसहित १५औं स्थानमा छ । यस पटक फरक शैलीमा भइरहेको च्याम्पियन्स लिगमा ३६ टोलीले प्रतिस्पर्धा गरिरहेका छन् ।
प्रतिक्रिया 4