रक्सी पिउनुहुन्छ ? यी ४ स्वास्थ्य परीक्षण गर्नैपर्छ

अनलाइनखबर २०८१ असोज १७ गते १८:३९

एलएफटी अर्थात् कलेजोको कार्य परीक्षण

कलेजो कार्य परीक्षण (एलएफटी) कस्तो छ भनेर हेर्नको लागि रगतबाट नमुना लिइन्छ। जसमा प्रोटिन, एल्बुमिन, ग्लोबुलिन बिलिरुबिन, एएसटी (एसजीओटी) र एएलटी (एसजीपिटी), अल्कालाइन फोस्फेटेजको परीक्षण गरिन्छ ।

अल्बुमिन परीक्षण

यो परीक्षणले शरीरमा अल्बुमिनको स्तर मापन गरेर कलेजोको कार्यप्रणाली निर्धारण गर्न मद्दत गर्छ । अल्बुमिनको कम स्तर देखाएमा कलेजोले राम्रोसँग काम गरिरहेको छैन भन्ने संकेत गर्छ ।

बिलिरुबिन परीक्षण

यो परीक्षणमा बिलिरुबिनको उच्च स्तरको देखिएमा कलेजोले राम्रोसँग काम गरिरहेको छैन भन्ने बुझिन्छ ।

अल्ट्रासाउण्ड (भिडियो एक्सरे)

धेरै मदिरापान गर्नेले भिडियो एक्सरे गर्नुपर्छ । यसबाट फ्याटी लिभर, अल्कोहोलिक हेपाटाइटिस, लिभर सिरोसिस र कलेजोमा क्यान्सर छ कि छैन भन्ने थाहा पाउन सकिन्छ ।