२८ कात्तिक, काठमाडौं । सबैभन्दा महँगो सेयर मूल्य रहेको युनिलिभर नेपालको नाफा घटेको छ ।
मंगलबार बजार बन्द हुँदा यस कम्पनीको सेयर मूल्य प्रतिकित्ता ४८ हजार रुपैयाँ छ । कम्पनीले बुधबार सार्वजनिक गरेको पहिलो त्रैमासिक वित्तीय विवरणअनुसार खुद नाफा गत आर्थिक वर्षको यसै अवधिको तुलनामा ४.६ प्रतिशत घटेको छ ।
कम्पनीले पहिलो त्रैमासिक अवधिमा ५२ करोड ६९ लाख रुपैयाँ खुद नाफा कमाएको छ । गत आवको यसै अवधिमा यस्तो नाफा ५५ करोड २५ लाख रुपैयाँ थियो ।
कम्पनीको बिक्री आम्दानीमा केही संकुचन आउँदा नाफामा प्रभाव परेको हो । कम्पनीको बिक्री आम्दानी पहिले २ अर्ब ३२ करोड रुपैयाँ रहेकोमा अहिले २ अर्ब २५ करोड छ । नाफा घट्दा प्रतिसेयर आम्दानी घटेको छ ।
पहिलो त्रैमासिक वित्तीय विवरणअनुसार वार्षिक प्रतिसेयर आम्दानी २ हजार ९६ रुपैयाँ छ । पहिले २ हजार २१८ रुपैयाँ थियो । कम्पनीको प्रतिसेयर नेटवर्थ ५ हजार ८३६ रुपैयाँ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4