२०८१ मंसिर ६ गते १६:४७ 
६ मंसिर, काठमाडौं । नेपाली यू-१९ राष्ट्रिय क्रिकेट टोलीले भारतको कर्नाटक यू-१९ टोलीसँगको अभ्यास खेलको श्रृंखला जितेको छ । बिहीबार भएको अन्तिम अभ्यास खेलमा ७ विकेटको जित निकाल्दै नेपालले श्रृंखला ३-२ ले जितेको हो ।
कर्नाटकले दिएको १९१ रनको लक्ष्य नेपालले ४०औं ओभरमा ३ विकेट गुमाएर पूरा गर्दै श्रृंखला जितेको हो । नेपालको जितमा आकाश त्रिपाठी र मयन यादवले अर्धशतकीय पारी खेले । आकाश ८९ रनमा नटआउट रहँदा मयनले ५० रन बनाएका हुन् ।
त्यसअघि टस जितेर पहिले ब्याटिङ गरेको कर्नाटकले ५० ओभरमा अलआउट हुँदै १९० रन बनाएको थियो । उसका लागि कप्तान रोहितले सर्वाधिक ४१ रन बनाएका थिए ।
श्रृंखलाअन्तर्गत पहिलो खेल कर्नाटकले जित्दा दोस्रो र तेस्रो खेल नेपालले जित्दा चौथो खेल कर्नाटकले जितेपछि श्रृंखला बराबरीमा आएको थियो ।
आउँदै गरेको एसीसी यू-१९ एसिया कपको तयारीमा रहेको नेपाली युवा टोलीले घरेलु मैदानमा एकदिवसीय अभ्यास सिरिज खेलेको हो ।
एसीसी यू–१९ एसिया कप यही नोभेम्बर २९ देखि डिसेम्बर ८ सम्म युएईमा हुँदै छ । त्यसका लागि क्यानले हेमन्त धामीको कप्तानीमा १८ सदस्यीय टोली घोषणा गरिसकेको छ ।
प्रतिक्रिया 4