२०८१ मंसिर ७ गते १६:३७ 
७ मंसिर, काठमाडौं । भारतसँगको पहिलो टेस्टको पहिलो दिनको खेल सकिँदा अस्ट्रेलिया संघर्ष गरिरहेको छ ।
पहिलो दिनमै दुई इनिङ गरेर १७ विकेट खस्दा अस्ट्रेलिया ६७-७ को स्थितिमा छ । एलेक्स केरी १९ रनमा अविजित छन् । ट्राभिस हेडले ११ तथा नेथन मेकस्विनीले १० रन बनाए ।
भारतका लागि जसप्रीत बुमराहले १० ओभरमा १७ रन दिएर ४ विकेट लिए । त्यस्तै मोहम्मद सिराजले २ तथा हर्षित रानाले १ विकेट लिए ।
त्यसअघि टस जितेर पहिले ब्याटिङ गरेको भारत १५० रनमा अलआउट भएको थियो । भारतका लागि नितिश कुमार रेड्डीले सर्वाधिक ४१ रन बनाए भने रिषभ पन्तले ३७ रन बनाए ।
अस्ट्रेलियाका जोश हेजलवूडले १३ ओभरमा २९ रन दिएर ४ विकेट लिए । त्यस्तै मिचेल स्टार्क, प्याट कमिन्स र मिचेल मार्शले २-२ विकेट लिए ।
प्रतिक्रिया 4