२०८१ मंसिर ११ गते २३:०१ 
११ मंसिर, काठमाडौं । नेपाल क्रिकेट संघ (क्यान) को आयोजनामा मंसिर १५ गतेदेखि सुरु हुने नेपाल प्रिमियर लिग (एनपीएल) मा ‘प्लेयर अफ दी सिरिज’ घोषित हुने नेपाली खेलाडीलाई शारडा समूहले ओमोडाको ई-५ कार प्रदान गर्ने भएको छ।
प्रतियोगिताकै उत्कृष्ट घोषित हुने नेपाली खेलाडीलाई उक्त ‘ब्रान्ड न्यू’ कार प्रदान गरिने एसपीजी अटोमोबाइल्सका निर्देशक गौरव शारडाले बताए ।
यसअघि मंगलबार दिउँसो एक कार्यक्रममा पुरस्कार दिइने घोषणा गरिएको भएपनि कारको नाम र रकम भने खुलाइएको थिएन । नेपालमा यस कारको बजार मूल्य ६१ लाख ९९ हजार रुपैयाँ रहेको छ।
एनपीएलको व्यावसायिक अधिकार व्यवस्थापन गरिरहेको ब्रान्ड डिजिटल लजिक प्रा.लि. र शारडा समूहबीच क्यानको सहकार्यमा सम्झौता भएको हो।
मंसिर १५ देखि पुष ६ सम्म कीर्तिपुरस्थित त्रिवि क्रिकेट मैदानमा हुने एनपीएलका लागि शारडा ग्रुप अन्तर्गतको एसपीजी अटोमोबाइल्सको ‘ओमोडा एन्ड जेईंको ‘ड्रिभन बाई’ सह प्रायोजकको रुपमा साझेदार रहेको छ।
प्रतिक्रिया 4