चिसो मौसममा कोठा न्यानो राख्न हिटर र एसीको प्रयोग बढी भई कोठाको आर्द्रता प्रभावित हुन्छ, जसका कारण छालाको आर्द्रतामा कमी आउछ । आर्द्रता कम भै छाला सुख्खा हुन्छ।
जाडोमा प्राय मानिस तातो पानीले नुहाउने गर्छन्, यसो गर्दा छालाको प्राकृतिक तेल प्रभावित हुने छालाको नरमपन कम भै सुख्खा र फुस्रो हुन्छ ।
जाडोमा तिर्खा कम लाग्ने भएकोले धेरै कम पानी पिउने गरिन्छ । जसकारण शरीर हाइड्रेटेड रहँदैन र छाला सुख्खा हुन्छ ।
कसरी जोगिने ?
पर्याप्त मात्रामा पानी वा झोलयुक्त पदार्थ सेवन गर्ने, नुहाउँदा अत्यधिक तातो पानीको प्रयोग नगर्ने र छालामा मोइस्चराइजिङ क्रिम प्रयोग गर्नुपर्छ ।
अनुहारमा तातो पानीको बाफ लिँदा बन्द भएको रोम छिद्र खुल्छ । हातले हलका छालाको मसाज गर्न सकिन्छ । यसले अनुहारमा रक्तसञ्चार हुन्छ र छालाको सौन्दर्य कायम राख्छ ।
