रहस्यको पुञ्ज
ब्ल्याक होल वास्तवमा रहस्यको पुञ्ज नै हो । यसलाई ब्रम्हाण्डका अति रहस्यमय विषयमा राखिएको छ । यसबारे धेरै खोज अध्ययन भएपनि धेरै कुराहरु बाहिर आएको छैन ।
असीम गुरुत्वाकर्षण
ब्ल्याक होल ब्रह्माण्डको एक यस्तो क्षेत्र हो जहाँ गुरुत्वाकर्षण शक्ति अत्यन्तै प्रबल हुन्छ, जसले प्रकाशसम्मलाई पनि उम्किन दिँदैन ।
ताराको अन्त्य
ठूला ताराहरू सुपरनोभा विस्फोटपछि ब्ल्याक होलमा परिणत हुन्छन् । यो प्रक्रिया ताराको जीवनचक्रको अन्तिम चरण हो ।
ब्ल्याक होल नजिक समय धीमा
ब्ल्याक होल नजिक समय धीमा हुन्छ, जसलाई समय विस्तार भनिन्छ । यो आइन्स्टाइनको सापेक्षतावाद सिद्धान्तले व्याख्या गर्छ ।
इभेन्ट होराइजन
यो ब्ल्याक होलको सीमा हो, जसलाई पार गरेपछि कुनै पनि चीज फर्कन सक्दैन । यसलाई 'नो रिटर्न' बिन्दु पनि भनिन्छ ।
पहिलो तस्बिर
सन् २०१९ मा वैज्ञानिकहरूले पहिलो पटक ब्ल्याक होलको तस्बिर खिचे । यो तस्बिरले मेसियर ८७ ग्यालेक्सीको ब्ल्याक होल देखायो ।
सुपरमासिभ ब्ल्याक होल
हरेक ग्यालेक्सीको केन्द्रमा सुपरमासिभ ब्ल्याक होल हुन्छ । हाम्रो मिल्की वेको केन्द्रमा स्याजिटेरियस A* नामको यस्तै ब्ल्याक होल छ ।
