३१ साउन, बिराटनगर । नेपाली कांग्रेसका वरिष्ठ नेता शेरवहादुर देउवाले राष्ट्रपतिलाई संसदबाट अनुमोदन गर्ने सहमति आफूलाई थाहा नभएको बताएका छन् ।
बिराटनगर विमानस्थलमा सञ्चारकर्मीहरुसँगको कुराकानी गर्दै देउवाले भने-‘कांग्रेस र एमालेबीच सातबुँदे सहमतिमा यस्तो कुनै सहमति भएको छैन । यसलाई अहिले उठाउनुमा कुनै तुक देख्दिन ।’
एमालेसंग राष्ट्रपतिलाई निरन्तरता दिने भन्ने भद्र सहमति मात्र भएको भन्दै उनले भने-‘अन्य विषयको वारेमा मलाई जानकारी छैन ।’
सवै दलको सहमतिका आधारमा संविधान निर्माण हुने भन्दै कांग्रेस वरिष्ठ नेता देउवाले तोकिएकै समयमा संविधान नहुँदैमा कुनै अनिष्ट नहुने बताए ।
तोकिएको समय भन्दा पनि संविधान मुख्य कुरा भएकाले सहमति जुटाउने क्रममा केही ढिला भएमा कुनै असर नपर्ने उनको भनाइ छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4