एक सातादेखि वेपत्ता थारुको शव भेटियो

३० पुस, बर्दिया । एक सातादेखि घरबाट सम्पर्कविहीन भएका बर्दिया राजापुर ११ दलैका अन्दाजी २० वर्षीय किसन थारु बिहीबार मृत अबस्थामा फेला परेका छन् । मृतकको मुखमा मासु काट्न प्रयोग गरिने हतियार (डाव)ले प्रहार गरिएको घाउ छ ।

शवको प्रकृति हेर्दा किसनको हत्या भएको हुनसक्ने प्रहरीले अनुमान गरेको छ । घटनाबारे विस्तृत अनुसन्धान भइरहेको इलाका प्रहरी कार्यालय राजापुरले जनाएको छ ।

– केशव कोइरालाबाट