१५ भदौं, काठमाडौं । शनिबार भएको एटीएम ह्याक प्रकरणका विषयमा अध्ययन गर्न नेपाल राष्ट्र बैंकले छानविन समिति बनाएको छ ।
एटीएम ह्याक गरेर चिनियाँ नागरिकहरुले १ करोड ६८ रुपैयाँ निकालेको प्रारम्भिक निश्कर्ष निकाल्दै यस विषयमा थप अध्ययन गर्नका लागि राष्ट्र बैंकले छानविन समिति बनाएको हो ।
राष्ट्र बैंकका प्रवक्ता लक्ष्मीप्रपन्न निरौलाले ५ सदस्यीय छानविन समिति गठन गरिएको जानकारी दिए । बैंकका भुक्तानी प्रणाली विभागको प्रमुख रहेका कार्यकारी निर्देशक बमबहादुर मिश्रको संयोजकत्वमा समिति गठन गरिएको हो ।
समितिका सदस्यमा नेपाल इलेक्ट्रोनिक पेमेन्ट सिस्टम लिमिटेड (नेप्स) का सीईओ, बैंकर्स संघका सूचना तथा प्रविधि हेर्ने प्रतिनिधि र राष्ट्र बैंककै प्रविधि हेर्ने निर्देशक समितिको सदस्य तोकिएको छ ।
समितिले ३ दिनमा प्रतिवेदन बुझाउने उनले बताए । उनले भने, ‘ढिलोमा बुधबारसम्म समितिले प्रतिवेदन बुझाउने छ, त्यसपछि आवश्यक निर्णय हुनेछ ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4