५ गल्ती, जसले गर्न सक्छ मिर्गौला खराब

अनलाइनखबर २०८१ कात्तिक २९ गते १६:०१

उच्च सोडियमयुक्त खाना

तेलमा तारेको भुटेको, मैदाबाट बनेको, जंकफुड र बाहिरका प्याकेज गरिएको खानामा अत्याधिक सोडियमका साथै पोटासियम पनि हुन्छ। यी खानेकुरा अत्याधिक खाँदा मिर्गौलामा हानि गर्छ।

शारीरिक रूपमा निष्क्रिय

कुनै व्यायाम छैन, खाने, बस्ने र सुत्ने मात्र बानीले शारीरिक निष्क्रिय बढाउँछ। निष्क्रिय रहँदा मोटोपन, उच्च रक्तचाप, मधुमेह नहोला भन्न सकिन्न। यी तीन रोग अनियन्त्रित भएमा मिर्गौला खराब हुन सक्छ ।

जथाभावी पेन किलर खानु

सामान्य टाउको दुख्ने बित्तिकै वा पेट दुख्ने बित्तिकै दुखाइ कम गर्न पेन किलर खाइहाल्ने हाम्रो बानी हुन्छ । अत्याधिक पेन किलर खाँदा मिर्गौलामा रक्तसञ्चार कम भई खराब हुनसक्छ ।

रक्सी र चुरोटको लत

रक्सीमा ग्लुकोजको मात्रा धेरै हुने भएकाले शरीरबाट यसलाई हटाउन मिर्गौलामा धेरै दबाब पर्छ, जसले मिर्गौला खराब हुन सक्छ ।

अनियन्त्रित मधुमेह तथा उच्च रक्तचाप

मधुमेह तथा उच्च रक्तचापको समस्या भएका व्यक्तिले उच्च रक्तचाप र मधुमेहलाई नियन्त्रण गर्न नसकेको खण्डमा पनि मिर्गौला खराब हुन्छ ।