छोरीसँगै जल शाह
आफ्नो जमनाकी लोकप्रिय अभिनेत्री हुन्, जल शाह । विवाहपछि अमेरिकामै बसोबास गरिरहेकी जल शाह भर्खरै मात्र नेपाल फर्किइन्, आफ्नी छोरीको साथमा ।
कलश लाइमलाइटमा
जल शाहकी छोरी कलश अहिले लाइमलाइटमा छिन् । अमेरिकामा जन्मि हुर्किएकी कलश अहिले १६ बर्षकी भइन् ।
छोरीका लागि पत्रकार भेटघाट
नेपाल बसाईमा जलले एक पत्रकार भेटघाट गरिन् । उक्त भेटघाटको केन्द्रमा थिइन्, छोरी कलश ।
छोरीलाई फिल्ममा डेब्यु गराउन लागेकी हुन् ?
के उनले आफ्नी छोरीलाई फिल्ममा डेब्यु गराउन लागेकी हुन् ? धेरैमा रहेको यो उत्सकुता भन्दा फरक थियो उनको जवाफ ।
फिल्मभन्दा पढाई प्राथमिकता
पत्रकार सम्मेलनमा कलशलाई डेब्युबारे पनि सोधिएको थियो । उनले अहिले आफ्नो प्राथमिकता पढाइ रहेको त्यो पुरा भएपछि फिल्ममा डेब्यु गर्ने बताइन् ।
‘जे भो राम्रै भो’ जस्तै फिल्मको अफर
कलशले भनिन्, ‘मेरो लक्ष्य पढाइलाई प्राथमिकता दिनु हो । जब मैले पढाइ पुरा गर्नेछु, तब आमा (जल शाह)को फिल्म ‘जे भो राम्रै भो’ जस्तै फिल्मको अफर आए डेब्यु गर्नेछु ।’
सामाजिक अभियानमा कलश
खासगरी उक्त पत्रकार भेटघाटमा कलशले संचालन गरिरहेको सामाजिक अभियानबारे जानकारी गराइएको थियो ।
शिक्षा फाउन्डेन स्थापना
उनले शिक्षा फाउन्डेन स्थापना गरी त्यसैमार्फत विद्यालयहरुमा विभिन्न सहयोग गरिरहेकी छिन् ।
