बारम्बार नकारात्मक सोच आएमा
मनमा धेरै नराम्रो कुरा मात्र खेल्न थाल्छ । उत्साह, ऊर्जा र जाँगर हराउँछ । यस्तो स्थिति शारीरिक रोगले मात्र नभई मानसिक कारणले हुनसक्छ । यस्तो अवस्थामा मनको शुद्धीकरण गर्न जरुरी छ ।
अति रिस उठ्न थालेमा
कारण बिना नै सानोतिनो निहुँमा पनि झनक्क रिस उठिरहन्छ भने यो सामान्य होइन । यसले के बताउँछ भने हाम्रो मनलाई शुद्धीकरण गर्न जरुरी छ ।
हीनताबोध वा ग्लानि
कतिपय गल्ती, कमजोरीले गर्दा हाम्रो मनमा हीनताबोध हुन्छ । ग्लानि भावले हामीलाई भित्रभित्रै नराम्ररी पिरोल्ने गर्छ । त्यसैले जतिसक्दो चाँडो यस्तो भावबाट बाहिर आउनुपर्छ ।
मानिसहरुसँग घुलमिल गर्नमा सकिएन भने
छरछिमेक, साथीभाइ, आफ्नै नातागोता या आफन्तकहाँ प्रस्तुत हुन कठिन हुन्छ । मनै लाग्दैन । प्रस्तुत हुनुपरेमा अत्यास लाग्छ भने पनि भावनात्मक रुपमा कमजोर भइरहेका संकेत गर्छ ।
थकान महसुस हुनु
कुनै काम नै नगरेको अवस्थामा पनि थकान महसुस हुन्छ भने दिमागको ध्यान दिनुपर्ने हुन्छ । किनभने दिमागले धेरै सोच्नाले पनि दिमाग थाक्छ । यस्तोमा कुनै पनि काममा मन नलाग्ने र टाउको भारी हुने समस्या हुनसक्छ ।
मुड स्वीङ हुनु
मुड स्वीङ हुने अर्थात् बारम्बार जसो कहिले एक्कासि एकदम खुसी हुने र कहिले एकदम दु:खी हुने अवस्थालाई हेल्चेक्राइँ गर्नुहुँदैन । यस्तो अवस्थामा आफ्नो मानसिक शुद्धीकरण गर्न आवश्यक हुन्छ ।
