शरीरमा यी १० संकेत देखिए चिकित्सकलाई भेटौं

अनलाइनखबर २०८१ चैत २२ गते १४:०१

लगातार टाउको दुख्नु र चक्कर आउनु

कहिलेकाहीं चक्कर आउनु र टाउको दुख्नु सामान्य हो । तर लगातार यी समस्या भैरहन्छन् भने उच्च रक्तचाप वा स्नायु तथा नसा सम्बन्धि समस्या हुनसक्छ।

छातीमा कसिलो र भारीपन

छातीमा दुखाई, पोल्ने, भारी अनुभव भएमा हल्का रुपले लिन हुँदैन । किनकि, यो मुटु रोग वा हृदयघातको संकेत हुनसक्छ । यस्तोमा तुरुन्त चिकित्सकलाई देखाउनुपर्छ ।

सास लिन गाह्रो हुने

हल्का काम गर्दा पनि सास फुल्ने, सास लिन कठिनाई भएमा फोक्सोको समस्या, दम वा मुटुसम्बन्धी देखिने समस्याको संकेत मानिन्छ ।

अचानक तौल कम वा बढी हुने

यदि खानपानमा परिवर्तन नगरी तौल बढ्ने र घट्ने भएमा पनि थायराइड, मधुमेह र हर्मोनल असन्तुलनको संकेत हुनसक्छ । यस्तोमा सहि समयमा परीक्षण गर्नु आवश्यक छ ।

पटक्कै भोक नलाग्ने

लामो समयसम्म भोक नलाग्ने, अपचको समस्या र पेटको दुखाई भएमा पाचनको समस्या वा गम्भीर रोगको लक्षण हुनसक्छ ।

थकान र कमजोरी अनुभव हुने

लगातार कमजोरी र थकान अनुभव हुने काम धेरै गरेको नतिजा होइन । यो रक्त अल्पता, मधमेह वा हर्मोनल गडबड जस्तो रोगको संकेत हुनसक्छ ।

विना चोटपटक निसान हुने

विना कुनै चोटपटक शरीरमा निलो डाम वा कालो दाग देखिएर छिटो निको नभएमा यो रगतसम्बन्धी समस्या वा मधुमेहको संकेत हुनसक्छ ।

पटक पटक पिसाब आउने, प्यास धेरै लाग्ने र मुख सुख्खा भैरहन्छ भने पनि मधुमेह वा मिर्गौला सम्बन्धित समस्याले हुनसक्छ । त्यसैले, यस्ता संकेत देखिए यही रोग भनेर अनुमान गर्नुभन्दा पनि चाडो भन्दा चाडो चिकित्सकलाई भेट्नु पर्छ ।