परीक्षाका बेला अभिभावकले के गर्ने ?
परीक्षाका बेला अभिभावकले के गर्ने ? कसरी बालबालिकालाई सहयोग गर्ने ? कसरी उनीहरूलाई सहज र सरल बनाउने ? कसरी उनीहरूलाई बिनादबाब पठनपाठनमा सरिक गराउने ? थाहा हुनुपर्छ ।
सामाजिक सञ्जालको प्रभाव
अभिभावकले आफ्ना बालबालिकासँग सामाजिक सञ्जालको प्रभाव र प्रवृत्तिबारे खुलेर कुराकानी गर्न जरुरी छ । उनीहरूलाई वास्तविक जीवन र डिजिटल संसार फरक हुन्छ भनी बुझाउनुपर्छ ।
निद्रा अभाव र मानसिक थकान
कुनै पनि कुरालाई ग्रहण गर्ने मस्तिष्कको आफ्नै तरिका र संयन्त्र हुन्छ । खासगरी सहज ढंगले, तनावमुक्त भएर पढेका कुरालाई स्मरण गर्न र मन्थन गर्न सकिन्छ । यसका लागि बेला-बेला आरम गर्ने, मनोरञ्जन गर्ने, व्यायाम गर्ने समय पनि निकाल्नुपर्छ ।
सन्तुलित अहार
शरीर जति स्वस्थ र तन्दुरुस्त हुन्छ मस्तिष्कको कार्य संचालन पनि उत्तिकै राम्रो हुन्छ । यसका निम्ति ताजा, पोषिलो र सन्तुलित खानेकुरा दिनुपर्छ । खानाको समय तालिका मिलाउनुपर्छ । यतिबेला जंकफुड वा फास्टफुड कटौती गरेर आफ्नै भान्सामा पाकेको ताजा खानेकुरा दिनुपर्छ ।
मानसिक तनाव र डिप्रेसन
उनीहरूलाई दबाब दिनु जरुरी छैन । बरु सहज रुपले पठनपाठनको वातावरण बनाइदिनुपर्छ । अरुसँग तुलना गर्ने वा आफ्नो अपेक्षा लाद्ने गल्ती गर्नु हुँदैन । पढाइ वा परीक्षालाई दबाब होइन सिर्जनात्मक बनाउन प्रेरित गर्नुपर्छ ।
