प्रोस्टेट क्यान्सर परीक्षण
पुरुषहरुमा ४० वर्ष कटेपछि नै प्रोस्टेट ग्रन्थीको आकार बढ्न थाल्छ । आकार बढेसँगै कतिपय पुरुषमा प्रोस्टेट क्यान्सरको सम्भावना पनि रहन्छ ।
प्रोस्टेटको समस्या वा क्यान्सर भैसकेको छ, छैन परीक्षण गर्न ४० वर्ष कटेपछि प्रोस्टेटको परीक्षण गर्नु आवश्यक छ ।
फोक्सो क्यान्सर परीक्षण
तुलनात्मक रुपमा पुरुषहरु बढी चुरोट खाने गर्छन् । कतिले किशोरावस्थादेखि चुरोट खान सुरु गर्छन् ।
यसरी चुरोट खाने पुरुषहरु जहिलेपनि फोक्सोको क्यान्सरको जोखिममा हुन्छन् । नियमित रुपमा चुरोट खानेहरुले त फोक्सोको परीक्षण गराउनै पर्छ ।
कोलेस्टेरोल
मोटोपन, चुरोट सेवन, उच्च रक्त चाप, अस्वस्थ जीवनशैली र परिवारमा कसैलाई हृदयघात भएको इतिहास छ भने कोलेस्टेरोलको जोखिम अरु बढी हुनसक्छ ।
त्यसैले, २० बर्षको उमेरपछि नै कोलेस्टेरोलको जाँच गराउनु उचित हुन्छ।
कोलोनस्कोपी
बढ्दो उमेरसँगै पुरुषको आन्द्रामा समस्या वा क्यान्सर हुने जोखिम बढ्छ । आन्द्रामा देखिने स–साना गाँठो नै पछि क्यान्सरको रुप लिन सक्छ ।
त्यसैले, यस्ता गाठाँगुठी वा आन्द्रामा कुनै समस्या छ भने तुरुन्त परीक्षण गर्नुपर्छ ।
उच्च रक्तचाप र मुटुको स्वास्थ्य
उमेरले ३० वर्ष पार गरेपछि पुरुषहरुमा उच्च रक्तचापको जोखिम बढ्न थाल्छ । खानपान, जीवनशैलीसँगै बढ्दो उमेरमा मुटुको कार्यक्षमता पनि कमजोर हुँदै जान्छ ।
रक्तचाप सामान्य भएमा पनि वर्षेनी परीक्षण भने गराउनु उचित हुन्छ ।
