खानपिन
पानी तथा फाइबरयुक्त खानेकुरा कम खाने, चिल्लो, मसालेदार तथा मैदाबाट बनेको खानेकुरा र गाईभैंसीको दूध धेरै खाने बच्चामा कब्जियतको समस्या धेरै हुन्छ ।
दिसा रोकेर बस्ने
बालबालिकाहरु टीभी, मोबाइल चलाउँदा या खेलिरहेको बेलामा दिसा लाग्दा पनि रोकेर बस्ने हुँदा दिसा झन् साह्रो भएर जम्छ र पछि दिसा गर्दा गाह्रो हुन्छ । यसले एक किसिमको कब्जियतको चक्रीय प्रणाली बनाउँछ र समस्या झन् जटिल हुन जान्छ ।
मनोभाव
कतिपय बालबालिका आफूले प्रयोग गरिरहेको ट्वाइलेट मात्र प्रयोग गर्न खोज्ने मनोभावका कारण बाहिर, स्कुलमा शौच गर्नबाट बच्न खोज्छन् । घर तथा स्कुलमा हुने तनाव पनि कब्जियतको कारण हुनसक्छ ।
कसरत नगर्नु
कम मात्र शारीरिक कसरत गर्नेमा कब्जियतको समस्या धेरै देखिन्छ । निष्क्रिय रहँदा आन्द्राको क्रिया सुस्त भई कब्जियत हुनसक्छ ।
औषधिको सेवन
नसाको औषधि, पेन किलर तथा आइरनको सेवन गर्ने बालबालिकामा पनि कब्जियतको समस्या देखिन सक्छ ।
आन्तरिक रोग
बालबालिकामा कब्जियत हुने कारणमध्ये निकै कम मात्रामा आन्तरिक रोग हुने गर्छन् । जसमा थाइराइडको समस्या, मालद्वारको नसा राम्ररी विकास नहुनु तथा मेरुदण्डको समस्या लगायत स्वास्थ्य समस्या पर्छन् ।
लक्षण
दिसा गर्दा कन्नुपर्ने, लामो समय लाग्ने, ठूलो र साह्रो आउने, दुख्ने, पेट दुख्ने/फुल्ने र भोक कम लाग्नु ।
