
लैङ्गिक तथा यौनिक अल्पसंख्यकभित्र विविधता
लैङ्गिक तथा यौनिक अल्पसंख्यकभित्र विविधता भएका मानिसहरू छन् । त्यस्ता फरक-फरक पहिचान भएकाहरूलाई अङ्ग्रेजीमा लेस्बियन, गे, बाइसेक्सुअल, ट्रान्सजेन्डर, इन्टर सेक्स र क्विअर भन्ने गरिन्छ।

लेस्बियन (समलिङ्गी महिला)
एक महिला अर्को एक महिलासँग मानसिक, शारीरिक, भावनात्मक र प्रेरणात्मक रूपमा आकर्षित हुन्छिन् त्यसलाई लेस्बियन अर्थात् सम लैङ्गिकता भएका महिला भनिन्छ ।

गे (समलिङ्गी पुरुष)
जब एक पुरुष अर्को पुरुषसँग नै मानसिक, शारीरिक, भावनात्मक र प्रेरणात्मक रुपमा आकर्षित हुन्छ त्यसलाई गे अर्थात् सम लैङ्गिकता भएको पुरुष भनिन्छ ।

बाइसेक्सुअल (दुई लिङ्गी)
यो किसिमका व्यक्तिहरू शारीरिक रूपमा महिला वा पुरुष भएर महिला वा पुरुष वा दुवैप्रति आकर्षित हुने गर्छन् ।

ट्रान्सजेन्डर (पारलैङ्गिक)
जब कोही जन्मिँदा बालक वा बालिका भएर जन्मिन्छ तर हुर्किँदै जाँदा आफूलाई त्यस विपरीत महिला वा पुरुष भएजस्तो महसुस हुन्छ यसलाई ट्रान्सजेन्डर महिला वा ट्रान्सजेन्डर पुरुष भनिन्छ ।

इन्टर सेक्स (अन्तर लिङ्गी)
जन्मिँदा दुवै वटा यौनाङ्ग( केटा र केटी वा स्पष्ट नभई) जन्मिएकालाई अन्तर लिङ्गी भनिन्छ । अन्तर लिङ्गी भित्र पनि विविधता छ ।