जब कोठाको बत्ती निभाएर आँखा बन्द गरेर सुत्छौं, तब हाम्रो मस्तिष्कबाट अल्फा किरण निस्कन्छन्, जसले हामीलाई निद्रामा पुर्याउँछ । त्यसपछि हामी चेत हुँदै अर्धचेतन अवस्थामा पुग्छौं ।
किन हामी अचेत झैं हुन्छौं ?
निद्राको ४ देखि ६ चक्र हुन्छ । ती चक्रको प्रक्रिया चल्ने क्रममा मस्तिष्क, मुटु जस्ता अंगहरु सुस्त गतिमा चलिरहेको हुन्छ ।अंगहरु सुस्त हुने कारण हामी अचेत जस्तै हुन्छौं ।
त्यसो भए रातमै कसरी निद्रा लाग्छ ?
जब सूर्यास्त हुन्छ, मस्तिष्कमा मेलाटोनिन नामक स्वस्थ हर्मोन निस्कन थाल्छ । सो हर्मोन अँध्यारो कोठामा राति मात्र उत्पन्न हुन्छ । जसकारण रातको समयमा नै हामीलाई निद्रा लाग्छ ।
बिहान सूर्योदयको उज्यालोसँगै मेलाटोनिन रसायनले असर देखाउन बन्द गर्छ। र, सेरोटोनिन निस्कन थाल्छ । जसले हाम्रो निद्रा खुल्छ ।
निदाएको बेलामा पाचन प्रणालीले के काम गर्छ ?
यो समयमा हामीले खाइएको खानाबाट बनेको ग्लुकोज तथा प्रोटिनको सदुपयोग गरी पाचन तन्तु मर्मत हुने र विकास हुने काम हुन्छ । ताकि अर्को दिन पाचनको लागि ऊर्जाशील रहोस् ।
