कात्तिक २१ गतेबाट प्रदर्शनमा आउन लागेको चलचित्र ‘सरी ल’ को निर्माण यूनिटले तिहारको शुभकामना दिएको छ । आज काठमाण्डौमा पत्रकार सम्मेलनको आयोजना गर्दै निर्माण यूनिटले पत्रकार तथा कलाकारलाई फूलमाला लगाउँदै शुभकामना दिएको हो ।
कार्यक्रममा चलचित्रका कलाकार राजन खतिवडाको गेटअप भिन्न खालको थियो । शरीरमा कालो र सेतो रंग पोतेर उनले ‘सरी ल’ लेखेका थिए । गायक शिव परियारले गीत गाउँदै गर्दा राजनले हलमा भिन्न रुपमा इन्ट्री गरेका थिए ।
ऋषी लामिछानेको निर्देशनमा बनेको यो सिनेमालाई अञ्जु केसीले प्रस्तुत गरेकी हुन् । चलचित्रमा सुवास थापा, अनिता आचार्य, राजन खतिवडा लगायतका कलाकारको मुख्य भूमिका छ ।
कार्यक्रममा चलचित्र पत्रकार संघका अध्यक्ष शान्तिपि्रयले देउँसी खेलेका थिए । त्रिकोणात्मक प्रेम कथामा आधारित यो सिनेमालाई दर्शकले मन पराउने विश्वास निर्देशक लामिछानेले गरे । चलचित्रलाई कृष्णबहादुर महर्जनले निर्माण गरेका हुन् । 
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4