२८ फागुन, काठमाडौं । सरकारले यूएस बंगला एयरको विमान दुर्घटनाबारे छानविन गर्न पूर्वसचिवको नेतृत्वमा आयोग गरेको छ ।
सोमबार अपरान्ह बसेको मन्त्रिपरिषद बैठकले पूर्वसचिव यज्ञप्रसाद गौतमको संयोजकत्वमा ६ सदस्यीय जाँचबुझ आयोग गठन गरेको हो ।
आयोगमा प्रमुख सेनानी डा. राजीव देव, क्याप्टेन केके शर्मा, क्याप्टेन सुनिल प्रधान, उद्धवप्रसाद सुवेदी सदस्य छन् भने सहसचिव बुद्धिसागर लामिछानेलाई सदस्य सचिव तोकिएको छ ।
आयोगलाई यथाशिघ्र छानवीन गरी प्रतिवेदन बुझाउने कार्यादेश दिइएको जनसंख्या तथा वातावरण मन्त्री लालबाबु पण्डितले जानकारी दिए ।
सरकारले विमान दुर्घटनामा गरी ज्यान गुमाएकाहरुप्रति गहिरो दुःख व्यक्त गरेको छ । शोकसन्तप्त परिवारजनप्रति समवेदना व्यक्त गरेको छ भने घाइते भएकोहरुको शिघ्र स्वास्थ्य लाभको कामना पनि गरेको छ ।
मन्त्रिपरिषद बैठकले प्रदेशको मुख्य न्यायाधिवक्ताको सपथ उच्च अदालतका मुख्य न्यायाधिशको उपस्थितिमा प्रदेश प्रमुखले गर्ने प्रस्ताव पनि स्विकृत गरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4