२४ फागुन, काठमाडौं । बैदेशिक रोजगार व्यवसायी संघका अध्यक्ष रोहन गुरुङको घरमा शत्तिशाली विस्फोट भएको छ । विस्फोटमा परी ४ जना घाइते भएका छन् ।
बसुन्धरास्थित गुरुङको घरको ग्यारेजमा पार्किङ गरिराखेको ल्याण्डक्रुजर गाडीमा राखिएको बम विस्फोट भएको हो । विस्फोटपछि आगलागी समेत भएको थियो ।
‘म चौथो थलामा थिएँ, ठूलो आवाज आएपछि तल झर्दा धुँवाधुँवा भइसककेको थियो, गुरुङले अनलाइनखबरसँग भने । गुरुङको कार्यालय पनि त्यही घरमा छ । 
उनका अनुसार दिनभर गाडी ग्यारेजमै थियो, जहाँ पुग्न मुल गेट पास गरेर जानुपर्छ । तर, त्यहाँसम्म पुगेर कसले कतिबेला बम राख्यो भन्ने खुलेको छैन ।
गाडीमुनी राखेको बम विस्फोट भएपछि आगजनी भएको थियो, जसले दुई तलामाथिसम्म क्षति पुगेको छ । विस्फोटबाट नजिकैका केही घरमा पनि क्षति भएको छ ।
घटनामा ममता गौतम र दिवाकर गुरुङ घाइते भएका छन् । ममताको गालामा चोट लागेको छ । थप २ जनाको नाम खुलेको छैन ।
विस्फोटपछि आगजनी हुँदा बा १० च ६७८९ नम्बरको कार पूर्ण रुपमा जलेको छ भने आसपासका घरमा समेत क्षति पुगेको छ ।
नेकपा विप्लव समूहले विस्फोट गराएको हुनसक्ने प्रहरीको आशंका छ ।
१० फागुनमा विप्लव समूहले नख्खुस्थित एनसेलको कार्यालय अगाडि बम विस्फोट गराउँदा एक जनाको मृत्यु भएको थियो भने दुई जना घाइते भएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4