१४ कार्तिक, कैलाली । कैलालीको पूर्व पश्चिम राजमार्गमा बिहीबार बिहान मोटरसाइकल दुर्घटना हुँदा एक जनाएको मृत्यु भएको छ ।
पूर्व पश्चिम राजमार्ग अन्तर्गत घोडाघाडी नगरपालिका-२ साडेपानीमा मोटरसाइकल एकआपसमा ठोक्किएर दुर्घटना हुँदा सोही वडाका मोटरसाइकलमा सवार ५० वर्षीय देवीराम आचार्यको मृत्यु भएको जिल्ला प्रहरी कार्यालय कैलालीका प्रबक्ता एवं प्रहरी नायव उपरीक्षक (डिएसपी) दक्षकुमार बस्नेतले जानकारी दिए ।
पश्चिमबाट पूर्वतर्फ जाँदै गरेको अनटेस्ट मोटरसाइकल र पूर्वबाट पश्चिमतर्फ आउँदै गरेको से ७ प ८७५० नम्बरको मोटरसाइकल एक आपसमा ठोक्किँदा आचार्यको मृत्यु भएको उनले बताए ।
अनटेस्ट मोटरसाइकल चालक घोडाघाडी नगरपालिका-८ का २३ वर्षीय लोकेन्द्र गुरुङलाई मोटरसाइकलसहित प्रहरीले नियन्त्रणमा लिएको छ । अर्का मोटरसाइकल चालक घोडाघोडी-२ का ४६ वर्षीय ईन्द्र आचार्यको घोडाघोडी अस्पताल सुखडमा उपचार भइरहेको डिएसपी बस्नेतले जानकारी दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4