१८ फागुन, काठमाडौं । काठमाडौं नयाँ वानेश्वरको निजामति कर्मचारी अस्पतालमा डाक्टरको लापरबाहीले विरामीको मृत्यु भएको भन्दै आफन्तले विरोध प्रदर्शन गरेका छन् ।
आइतबार विहान ११ बजे आफैं उपचारका लागि आएका सिन्धुपाल्चोकको अर्जुन खड्काको उपचारको क्रममा मृत्यु भएपछि आफन्तले प्रदर्शन गरेका हुन् ।
डाक्टरको लापरबाहीले मृत्यु भएकाले उपचार गर्ने डाक्टरलाई कारबाही र लाइसेन्स खारेज गर्नुपर्ने मृतकका ज्वाइँ देवेन्द्र खड्काले बताए । उनका अनुसार आफैं हिँडेर उपचार गर्न आएका अर्जुनको अस्पतालमा इसीजी गरिएको थियो ।
त्यसको रिपोर्ट २ घण्टापछि आउँछ भनिएकोमा रिपोर्ट आउनुअघि नै विरामीको मृत्यु भएको हो । अहिले आफन्तले अस्पताल प्रशासनसँग छलफल गरिरहेको छ । भित्र वार्ता चलिरहेका बेला मृतकका आफन्तले अस्पतालबाहिर प्रदर्शन गरेका छन् ।
आकस्मिक कक्षमा अनुभवी डाक्टर नराखेका कारण मृत्यु भएको आफन्तको आरोप छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4