१५ जेठ, काठमाडौं । सरकारले ३ वर्षभित्र निर्माण सक्ने गरी पुष्पलाल मध्यपहाडी लोकमार्गका लागि आगामी आर्थिक वर्ष ०७७/०७८ मा ८ अर्ब २७ करोड बजेट छुट्याएको छ । यसमा सरकारको आफ्नै र दाताको सहुलियतपूर्ण ऋण खर्च गरिने भएको छ ।
बिहीबार संसदमा आगामी आर्थिक वर्षको बजेट प्रस्तुत गर्दै अर्थमन्त्री डा. युवराज खतिवडाले यो राष्ट्रिय गौरवको आयोजनाका लागि ८ अर्ब २७ करोड बजेट विनियोजन गरिएको जानकारी दिए ।
जग्गा अधिग्रहण र विस्फोटक पदार्थको अभावका कारण यो आयोजना अपेक्षित रूपमा अघि बढ्न सकेको छैन । पूर्वमा पाँचथरको चिवाभञ्ज्याङदेखि पश्चिममा बैतडीको झुलालघाटसम्म पुग्ने यो सडकको कुल लम्बाइ १ हजार ७ सय ७६ किमि छ ।
यो आयोजना आव ०७४/७५ मा नै सम्पन्न गर्ने लक्ष्य राखिएको थियो । तर लक्ष्य पूरा हुन नसक्ने देखेपछि अहिले यो आयोजना आर्थिक वर्ष ०७७/७८ सम्ममा सम्पन्न गर्ने लक्ष्य लिइएको थियो ।
तर अझै यो आयोजना सम्पन्न गर्न कति समय लाग्छ भन्ने अनिश्चित छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4