![](https://www.onlinekhabar.com/wp-content/uploads/2020/07/Army-1-1.jpg)
१६ साउन, काठमाडौं । नेपाली सेनाले ऐतिहासिक त्रि–चन्द्र मिलिटरी हस्पिटल भत्काएर बनाइएको नयाँ भवनलाई व्यापारिक प्रयोजनमा प्रयोग गर्न लागेको स्वीकार गरेको छ । तर, यो सैनिक कल्याणकारी कोषको हिताधिकारीकै चाहना बमोजिम भएको सैनिक अधिकृतहरुको दाबी छ ।
सैनिक कल्याकारी योजना निर्देशनालयका सहायक रथी सागरबहादुर केसीले शुक्रबार जंगीअड्डामा आयोजित पत्रकार सम्मेलनमा हिताधिकारीको चाहना र महांकालमा बढ्दो सञ्चालन खर्चलाई मध्यनजर गरेर कम्प्लेक्सलाई व्यापारिक प्रायोजनमा प्रयोग गरिएको बताएका हुन् ।
उनका अनुसार भूतपूर्व सैनिक सम्मेलनमा पूर्वसैनिक अधिकारीहरुले अस्पताल केन्द्रमा भएको भन्दै गुनासो गर्ने गरेका थिए । त्यसैले प्रादेशिक स्तरमा विस्तार गर्दै ल्याउने नीति अनुरुप महांकालको भवन व्यापारिक प्रयोजनमा प्रयोग गरिएको उनले बताए ।
‘अब त्यहाँबाट आर्जन हुने रकमले देशभर स्वास्थ्य सेवा विस्तार गरिन्छ, यसमा अन्य केही उद्देश्य छैन’, उनले भने । साथै, उनले कोष अन्तर्गत एक अर्ब रुपैयाँ स्वास्थ्य क्षेत्रमा लगानी गरिएको पनि उनले बताए ।
२०७४ सालमा नयाँ संरचना बनाइएको यो भवन ३ लाख १५ हजार वर्गफिट क्षेत्रमा फैलिएको छ ।
प्रतिक्रिया 4